CLUB DE LECTURA CON NATA Y CHOCOLATE

"Nata y chocolate" titúlase o libro que leron  no mes de marzo os compoñentes do Club de Lectura, e tamén de nata e chocolate eran as galletas que esperaban na biblioteca.

Neste libro, de Alicia Borrás Sanjurjo, ilustrado por Anuska Kapelluz, atopámonos cunha situación de acoso e burlas sufrido por unha nena só polo feito de ser diferente á maioría. Amosámonos moi sensiblizados ao respecto, falamos de empatía e tolerancia, tamén de solidariedade para manifestarnos en contra de situacións inxustas e non calalas... e por último tamén de asertividade, ou como ser capaz de dicir "non" a algo que non nos gusta.

Grazas a Bibliobrey que nos emprestou este lote de libros. 

Como influiu en nós a lectura deste libro? 

Enriqueceunos nalgún aspecto? 

Hai un antes e un despois desta lectura?

CORREO ELECTRÓNICO

Para elaborar os nosos disfraces de Entroido precisabamos información sobre a uniformidade e o traballo da Policía Local posto que ese era o disfraz elixido por nós para o terceiro ciclo. Necesitabamos información e aprender a redactar correos electrónicos formais para poñernos en contacto co Consistorio e así o fixemos. Deste xeito, solicitamos ao Concello información sobre o traballo e uniformidade da Policía Local, concedéndonos amablemente unha visita da mesma ao centro. A visita foi interesantísima e aprendimos un montón de cousas.

Graciñas pola vosa colaboración!!!

Máis cartas

Seguimos e seguimos escribindo. As alumnas e alumnos de 5º curso escribimos (en inglés) cartas ao alumnado do Richardson High School en Richardson, Texas. Agora agardamos impacientes a súa resposta. A ver que nos contan!

Ver mapa más grande

 

Cartas entre coles

          Neste trimestre traballamos a carta. Xa escribimos unha para o día da paz e como nos gustou moito queremos seguir escribindo, pero esta vez a uns nenos e nenas que están un pouco lonxe de nós.  O alumnado de 6º  inicia  intercambio de correpondencia con  CEIP Virxe do Camiño, Rubiás (Ourense). Agardamos recibir as súas cartas.

Ver CEIPdeLeiradoaCEIPVirxedoCamiño en un mapa más grande

DÍA DA PAZ

Aquí tedes a canción desta semana en versión karaoke . 
Que todos os días sexan pacíficos e sobre todo que non deixemos de intentalo!

                   

O Día Escolar pola Non Violencia e a Paz celébrase dende 1964, elixindose o 30 de xaneiro por ser o aniversario do falecemento de Mahatma Gandhi:

                           

A pesares de que Gandhi foi un exemplo de pacifismo e Non violencia, nunca recibiu o Premio Nobel da Paz. 
Pero... que é o Premio Nobel da Paz? Sobre isto investigamos e traballamos na clase de 6º amosando o noso traballo a todo o cole:

HÉRCULES E MÁQUINA DO TEMPO

Este é o libro que rematamos de ler: "Hércules e máquina do tempo". 

Baseado no mito de Hércules, é o comezo dunha colección que nos achegará a personaxes de distintas épocas.

Se che interesa completar información sobre este personaxe mitolóxico atopamos na rede esta presentación onde ademais podemos ver diversas manifestacións artísticas relacionadas con el: pinturas, esculturas, mosaicos...

                        

                        
Nesta animación ilústranse os doce traballos de Hércules:

Xa sabes o que é un mito???

Sabes onde está o monte Olimpo??

Que lenda  relacionada con Hércules ten lugar en Galicia?

Autorretratos

Neste trimestre, en Ed. plástica traballamos o noso autorretrato, dentro do proxecto: "Vivir Xuntos".

Para elaborar os nosos cadros utilizamos diversas técnicas plásticas… pero como calquera artista, non podemos dicir cales foron xa que as tedes que adiviñar vós.

Quedamos moi ben non?

                            

Dentro do mesmo proxecto, elaboramos a nosa autobiografía. Primeiro recollimos a información e logo a traballar!

ALIMENTÁMONOS BEN: APRENDER A COMER É DOADO

Aprender a comer é doado! Sabíades que facer exercicio físico e ter unha alimentación adecuada prevén moitas enfermidades?

 

FROITA-FRUTA-FRUIT

Neste curso, igual que no anterior, o noso cole participou no Plan de Consumo de froita fresca, polo que decidimos facer un estudo plurilingüe sobre os beneficios que ten incluir froitas e verduras na nosa dieta, centrándonos nas froitas que consumimos durante os recreos.

DEICA LOGO