OS NOSOS DESEÑOS

A impresora 3D xa fixo o seu traballo: imprimiu os nosos deseños individuais para os maletíns dos portátiles. Así de ben nos quedaron:

DESDE UNHA ESTRELA DISTANTE

Novo libro do club de sexto: "Dende unha estrela distante", de Agustín Fernández Paz.

 Gael dí que lle gustou porque tiña emocións fortes e amor; tamén porque é moi fantástico e orixinal por ter un personaxe extraterrestre, din Raúl e Carlos... 

 Fins quedou cunha dúbida ao final...que sería do ratiño?

 Algo que  chamou a nosa atención: o acoso a Daniela cando chegou á nova escola.

CLUB DE LECTURA DE 5º

Iniciamos o novo ano pisando forte, e reunímonos para falar do último libro "A señorita Buble" da escritora Ledicia Costas.
Nahir prestouse para facernos unha pequena presentación da escritora galega.

 

                           
Pareceunos que este libro destaca a importancia que ten a familia para todos e enlazaba co anterior,"Luces en el canal", na falta de tolerancia da sociedade.

CLUB DE LECTURA 6º

En 6º lemos "La lección de August" no primeiro trimestre,  logo a ratiños fomos vendo a película (Wonder)

 Gustounos este libro e deunos para conversar e aprender 
Escucha"WONDER" en Spreaker. Escucha"WONDER" en Spreaker. Escucha"WONDER" en Spreaker. Escucha"WONDER" en Spreaker. Escucha"WONDER" en Spreaker.

No Nadal seguimos lendo e agora que vimos de rematar "Ameaza na Antártida" de Ramón Caride, tamén nos reunimos para comentalo. 

Ai que importantes son os casquetes polares, ainda que nos queden tan lonxe!

CLUB DE LECTURA DE 5º

Para estrear a nova Biblioteca, inauguramos o Club de Lectura de 5º coa lectura do libro "Luces en el canal" de David Fernández Sifres.

Lémolo con moito interés, pois foi un libro que emocionou dende o primeiro momento.

Con el e con Frits viaxamos polos canais de Amsterdam e disfrutamos do nacemento dunha amizade.

Cando xa o estabamos rematando, recibimos un convite dun dos personaxes, o señor Dussel.

E reunímonos para conversar sobre o libro. 
Acompañamos a reunión cos Appelflap, pasteis de mazá típicos de Holanda, o que nos axudou a viaxar até os canais que protagonizan a historia.

Así nolo recomenda Bruno:

DESEÑANDO EN 3D

Nas clases de plástica, despois de aprender sobre o volume e a súa representación, introducímonos no deseño dixital, en tinkercad. Pensamos facer un identificador para os maletíns dos portátiles imprimindo o noso deseño na impresora 3d  da escola.

DEBUXO DIXITAL

Estreámonos co programa TuxPaint para facer unha ilustración no ordenador. Aprendemos rápido e fixemos uns debuxos moi creativos, que forman parte dunhas historias que moi pronto publicaremos. De momento AQUÍ as nosas obras de arte.

NOVO CURSO, NOVO CLUB DE LECTURA

Para comezar arrancaremos con "Luces en el canal" de David Fernández Sifres, en 5º. 

E co grupo de  6º "La lección de August", préstamo da Bibliobrey

TEMOS NOVIDADES

Este curso empezamos en 5º dun xeito diferente, pois chegaron uns ordenadores noviños para o alumnado, un para cada un, e iso tennos moi ilusionados e con moitas ganas de aprender. O noso cole empeza así a formar parte do proxecto EDIXGAL da Consellería de Educación.

Temos na aula virtual moita información e actividades variadas de todas materias, pero ademais podemos buscar o que precisemos na rede, aprendendo as normas básicas de uso do que atopemos.

E tamén elaborar os nosos propios contidos dixitais!

Xa comezamos a fedellar co procesador de textos.

Mirade que concentrados:

LECTURAS MATEMÁTICAS

Hoxe despedimos os clubs de lectura, reuníndonos os dous grupos na Biblioteca. Falamos un pouco de todo, dos libros, do que pensamos, do que queremos...

E queremos máis lecturas matemáticas seica, que comezamos a ler e nos deixaron ganas de máis a algúns e algunhas.

Como o prometido é débeda, aquí volas deixamos:

Trátase dos textos de Clara Grima, ilustrados por Raquel García, que baixo o título "Mati y sus Mateaventuras" están publicados AQUÍ. 

Os personaxes son Mati, dous nenos moi curiosos que se chaman Sal e Ven, e un can moi listo que se chama Gauss.

Mati ten explicacións para moitas cousas que pasan ao noso arredor.

Que vos presten, lector@s!!