XUNTOS: COLABORAR - COOPERAR

ACTIVISMO NO 25N

Os nenos e nenas de 6º manifestamos o noso rexeitamento á violencia e ao maltrato, defendemos o respecto e a empatía, por unha convivencia saudable.

Os alimentos reguladores

 As hortalizas e froitas son alimentos Reguladores.
A traves do consumo dos Alimentos Reguladores,o organismo logra obter aquelas vitaminas e minerais que favorecen o bo funcionamento do organismo do noso corpo.

As  verduras e as froitas,tamen aportan auga e fibra para regular o funcionameto do corpo.

Segundo os beneficios  dos alimentos ao organismo poden clasificarse en alimentos enerxèticos, alimentos constructores e alimentos reguladores.

Os alimentos enerxèticos proporcionan toda a enerxia que o corpo necesita.

En canto os alimentos constructores,se encargan de facilitar o crecemento e a xeneracion dos tecidos.

Os alimentos reguladores conteñen gran cantidade de auga e vitaminas que o corpo necesita para previr enfermidades.

As froitas ofrecen, ademais unha cantidade de azucre que necesitamos para o noso corpo.

Se debe comer hasta 4 pezas de froita o día unha delas ten que ter cítrico.

Nesta roda de alimentos podese ver o que deberiamos tomar na nosa dieta.

www.infopedia.pt

Sergio, Javi e Miguel Ángel

¡NATA Y CHOCOLATE INVENCIBLES!

No club de lectura de 6º rematamos este libro, no que os protagonistas do anterior Nata y Chocolate, enfróntanse a outro problema: o maltrato no fogar e a violencia de xénero. 

A temática provocou moita conversa por ser, lamentablemente, unha problemática de actualidade. 

Pero tamén xurdiu outro tema de interese: a interpretación das noticias, do que nos contan outras persoas, de contrastar a veracidade e non propagar sen asegurarse antes... unha reunión de moito proveito!

LUCES EN EL CANAL

Un libro que nos engaiolou, unhas luces misteriosas, unha amizade, unha dura realidade e un pouco de fantasía. Todo isto na cidade de Amsterdam. O autor: David Fernández Sifres.

Mantivemos unha entretida conversa, da que deixamos aquí uns retallos. Encantounos!

                                                  

Despois da estupenda opinión sobre este libro tamén quixo lelo o grupo de 5º!! 
Aquí os tedes en animada reunión:

 

XOELIKI, AVENTURAS DUN CIBERPIRATA

 

As lectoras e lectores do club de 5º remataron a lectura de Xoeliki, aventuras dun ciberpirata. Reunidos arredor dos flocos de millo falaron e falaron sobre esta lectura que, segundo din, gustoulles moito. Comentan que coñeceron palabras complexas, relacionadas coa tecnoloxía, e que tamén hai malvados no mundo virtual ( ainda que non faltan os heroes coma Xoeliki).

A ANTÁRTIDA, O CONTINENTE XEADO

Os compoñentes do club de lectura de 6º lemos "Ameaza na Antártida", de Ramón Caride, un libro que nos leva ao futuro, onde o malvado Koprissos quere destruir o planeta poñendo unha bomba na Antártida.
Joel e Yésica dixeron que é un libro dos que te mantén intrigado e non podes parar de ler.

Falando do porqué da elección da Antártida parámonos na importancia deste continente xeado para a estabilidade de todo o planeta. A que nunca pensaramos niso? É que o polo sur queda tan lonxe...!

Comezamos a ver un vídeo, pero acabóusenos o tempo, así que queda aquí este outro documental, atención ás explicacións do pingüín, que nos aportarán información moi interesante.

         

Traballos de investigación en Ciencias Sociais

Estes son os traballos de investigación que fixemos no terceiro trimestre en ciencias Sociais.

     

     A guerra da independencia de Biblioteca Escolar Leirado
 

      

      Idade contemporánea from Biblioteca Escolar Leirado

MAITO PANDURO E O POBO XITANO

Hoxe reunímonos para falar de "Maíto Panduro", de Gonzalo Moure, rematando as lecturas do Club por este curso. 

Empezou Dani F. dicindo que sentira tristeza, pola situación do protagonista. Falamos do que é a empatía, cualidade que caracteríza ás persoas que son quen de poñerse na pel doutra, imprescindible para unha convivencia saudable.

Samuel falou sobre a xeneralización que sempre se fai sobre como son os xitanos, que lle parece inadecuada, o que nos levou a outra reflexión interesante. Como case sempre os libros axúdannos a ser mellores persoas.

Un momento emotivo: cando o pai aprende a ler, comenta Mara; ou como eran capaces de entenderse con debuxos, di Mario.

 Démonos conta de que non sabiamos nada do pobo xitano, así que a ocasión requeriu de algo de información e todos e todas saímos aprendendo.

Terá Maíto Panduro un recunchiño no noso corazón?

O Camiño de Santiago e o Quixote.

Hai varias lendas ao longo do Camiño Francés, unha delas sitúase no lugar de Hospital de Órbigo,  na provincia de León: A lenda do paso Honroso. Actualmente celébrase nesa localidade unha festa histórica baseada na lenda.

Trátese dun cabaleiro que retaba a todos os cabaleiros que pasaran polo lugar, coa intención de vencelos a todos para logo seguir o camiño cara Compostela, e todo iso co pensamento posto nunha dama. Conta a lenda que isto ocurriu no ano Xacobeo de 1434.  Lede aquí a lenda.

 Moito tempo despois, cando Cervantes escribiu o Quixote, adicoulle unha aventura do seu protagonista, na que pretendía enfrentarse ao cabaleiro desta lenda. Xa sabedes a teima de don Quixote polas historias de cabaleiros, tanto que coa súa poderosa imaxinación ata é quen de trasladarse no tempo...

Descargade aquí a lectura dun fragmento dese capítulo.